Sioe Talybont
Talybont fu’r prif ddigwyddiad yng nghalendr blynyddol cymuned Ceulanamaesmawr am fwy na 100 mlynedd.
Sioe amaethyddol a garddwriaethol yw hi’n bennaf ond mae yna hefyd gystadlaethau cneifio, arddangosfa o hen beiriannau, sioe gŵn, amryw o stondinau, pabell grefftau ynghyd â rasys cŵn ar ddiwedd y dydd.
Fel rheol, cynhelir y sioe ar Gaeau’r Llew Du, Talybont ar ddydd Sadwrn olaf mis Awst.

Rheolau ac Amodau
- Enw’r Gymdeithas yw Cymdeithas Amaethyddol a Garddwriaethol Talybont a Gogledd Ceredigion, ac mae’n cynnwys Llywydd, Noddwyr, Cadeirydd, Trysorydd, Ysgrifenyddion ac Aelodau, sy’n cynnal ei Sioe yn Nhalybont. Bydd y Sioe yn agored I bawb oni nodir fel arall.
- Nod y Gymdeithas yw annog gwella Da Byw, Amaethyddiaeth, Garddwriaeth, ayyb.
- Bydd pob un sy’n cyfrannu £10.00 neu’n fwy y flwyddyn yn dod yn Aelod o’r Gymdeithas.
- Bydd y cyfraniadau yn ddyledus ac yn daladwy ar 1 Ionawr bob blwyddyn ac er mwyn sicrhau ffïoedd mynediad gostyngol a breintiau eraill, rhaid eu talu erbyn 31 Gorffennaf.
- Bydd yr holl aelodau yn derbyn trwydded mynediad am ddim i faes y sioe, a ffïoedd mynediad am hanner pris os ydynt yn cystadlu yn yr Adran Da Byw.
- Bydd yr holl eitemau yn eiddo dilys i’r cystadleuwr neu ar brydles iddo am gyfnod o 2 fis cyn cystadlu. Mae’r Gymdeithas yn cadw’r hawl i ofyn am gael gweld y les honno a dadansoddiad y Gymdeithas a fydd yn derfynol.
- Bydd unrhyw gystadleuydd a fydd yn ennill gwobr trwy dwyll yn colli’r hawl i’r wobr neu’r gwobrau i gyd y mae ganddo hawl iddynt ac fe’i gwaherddir rhag cystadlu yn y dyfodol.
- Os bydd unrhyw anghydfod yn codi, rhaid i’r achwynydd gyflwyno £5.00 i’r Ysgrifennydd gyda’i gŵ yn ysgrifenedig. Bydd yr Ysgrifennydd yn adrodd unrhyw wrthwynebiad o’r fath wrth y Pwyllgor, a phenderfyniad y Pwyllgor a fydd yn derfynol. Os yw’r gwrthwynebiad yn cael ei gefnogi, bydd y blaendal yn cael ei roi yn ôl i’r unigolyn, alled yw’n cael ei ystyried yn un di-sail, collir y £5.00 a’i drosglwyddo i gronfa’r Gymdeithas. Rhaid cyflwyno unrhyw brotestiadau neu wrthwynebiadau (alled unrhyw un) o fewn awr i gwblhau beirniadu’r Dosbarth y mae’r gwrthwynebiad yn cyfeirio ato.
- Mae gan y Pwyllgor y pwer i ddiarddel unrhyw unigolion sy’n creu aflonyddwch ar Faes y Sioe.
- Bydd beirniadu’r Ceffylau yn cychwyn am 9.00 am, Gwartheg am 10.00 am, ac Adrannau Da Byw eraill am 10.30 am.
- Ni ddylid symud unrhyw arddangosyn cyn 4.30 pm heb ganiatad y Cadeirydd.
- Mae’r Pwyllgor yn cadw’r hawl i atal unrhyw wobrau, os, ym marn y beirniad, nad oes teilyngdod.
- Bydd Maes y Sioe ar agor i’r cyhoedd am 8.30 am.
- Bydd un unigolyn yn cael mynediad am ddim i Faes y Sioe gyda phob arddangosyn yn yr Adrannau Ceffylau, Gwartheg a Defaid.
- Gwaherddir arddangoswyr rhag gweithredu fel Stiwardiaid ar gyfer unrhyw adran y maent yn cystadlu ynddi.
- Rhaid cadw’r holl Dda Byw dan reolaeth briodol.
- Rhaid cneifio’r defaid ar 1 Mawrth neu ar ôl hynny, yn unol â Rheolau Cymdeithas Llyfr Diadell Fynydd Gymreig.
- Ni fydd y Gymdeithas yn mynd i unrhyw gostau nac yn cymryd unrhyw risg wrth dderbyn neu ddychwelyd arddangosyn.
- Ni fydd y Gymdeithas yn gyfrifol am unrhyw golled neu ddifrod i unrhyw stoc neu eitem neu am unrhyw golled neu anaf i unrhyw unigolyn ar Faes y Sioe.
- Caniateir un tocyn mynediad am ddim i bob cystadleuwr yn yr Adran Garddwriaeth a Chynnyrch os ydynt wedi gwario £7.50 neu’n fwy wrth gystadlu (gan eithrio’r dosbarth Trefniant Dan Amodau yn Adran y Gosod Blodau).
- Telir yr holl wobrau i’r cystadleuwyr llwyddiannus ar ddiwrnod y Sioe.
- Rhaid i’r holl gystadleuwyr hysbysu’r Ysgrifennydd yn ysgrifenedig, ynghyd â’r ffi cystadlu, ar y dyddiad cau neu cyn hynny, ac eithrio’r Dosbarthiadau Cŵn a fydd ar agor ar y maes. Os derbynnir cystadleuwyr hwyr bydd y ffi cystadlu yn DYBLU y tâl.
- Bydd y system pwyntiau’r un peth yn yr Adran Da Byw â’r Adran Garddwriaeth.
- Rhaid gwisgo hetiau caled bob amser os yn marchogaeth.
- Ni fydd clwm cyfartal am Gwpan/Tlws yn cyfrif tuag at berchenogaeth.
- Caniateir dwy eitem ym mhob dosbarth yn yr Adran Arddwriaeth.
- Cyfrifoldeb perchennog y ceffyl yw sicrhau bod pasborts y ceffylau gyda hwy bob amser.
- Rhaid i gystadleuwyr da byw fod ag yswiriant trydydd parti/atebolrwydd cyhoeddus digonol i roi sicwrydd am eu harddangosion.
- Os ydych yn defnyddio gwellt o dan eich anifeiliaid, gofynir yn garedig i chi ei gludo nôl gyda chi i’ch cartref/fferm.
Swyddogion y Gymdeithas
- Cadeirydd: Mr Aled Jenkins, 8 Dôl Pistyll
- Is-Gadeirydd: Siwan Evans, Pantcoch
- Trysorydd: Helen Ovens, Crud yr Awel
- Trysorydd Cynorthwyol: Mr Howard Ovens, Frondirion
- Ysgrifennydd Cyffredinol: Nia Williams, Llety Ifan Hen
- Ysgrifennydd y Cofnodion: Janet Jones, Llwynglas
- Ysgrifennydd y Babell: Siwan Evans, Pantcoch
- Prif Stiward y Babell Grefftau: Rachel Mills, Green Cottage
- Prif Stiward Hen Beiriannau: Mr Peter Watkin, Blaenwaun

